近年都常在網上看些靈異片段（以前叫鬼故，而家改名為靈異事件，咁又真係比較合適些，無理由甚麼奇怪事都話鬧鬼的嘛），尤其在youtube上真係睇到你唔睇，不過睇得多後，發現十居其九都係「流流哋」。
首先那些片大部份係黑白，兼鬆郁懞，其次最多的如在辦公地方有枱椅自動行走，或一些紙張四飛，又或者有啲黑影走過之類，這些黑影除了話係鬼外，有啲仲話係外星人，真係任佢噏，而且呢類片都睇咗幾十年啦，所以漸漸都不去看了。
直至前年見到梁小龍於美國接受訪問，講述他遇鬼的經歷，嘩，內容精彩萬分，雖然是恐怖鬼故，但他演繹得風趣幽默又抵死，叫人睇完又睇。
