真係好奇怪，近來好似返咗去舊時嗰度，因為日日掛住睇個黃金台，佢哋而家正重播的節目，一係冇睇過，一係幾千年冇翻睇過，一路看一路有不同的思緒浮現……
首先係之前都提過的《書劍恩仇錄》，因為曾經睇過部份，已預咗悶，但一心諗住懷舊一下，點都刀仔㓤大肶捱住睇。
這兩日用Chrome上YouTube看片時，彈出了一個黑頁警告，說我用了攔截廣告外掛程式，要立刻停用，或俾錢睇無廣告YouTube，沒理會這東西，跟住便禁止我再看片。
昨晚追月後，冇電視好看，於是找其他東西餸紅酒，找到一個N記出品的《邂逅UFO》紀錄片，但都十五十六看不看，因為之前看過幾個紀錄片，都唔知佢哋拍乜，講扶桑動漫，拍到MTV咁，畫面閃來閃去，口水多過嗲，看了五分鐘都唔知想講乜，關！另外的史前乜乜（唔記得佢哋搵乜），話要深入地底，講話好難去到，但鏡頭明明擺好等啲探險家落去喎，真係當啲觀眾幼稚園未畢業？關！
所以都諗住睇睇就熄機，結果，又係口水貨……UFO？得一兩個黑白畫面，大家喺網都睇過不下萬幾次。
