阿貓阿狗

經常在網上的社交群組中，看到不少網民張貼些竉物或動物照片及片段，絕大部份都是貓狗為題，早年是傾向小狗多一些，近兩三年則被貓咪趕上了。

平時行街或旅行，見到小動物或昆虫都會拍下照片，發現都是影貓的多，這是不難理解的，因為貓是極有個性，不會被管束，自出自入，狗則會安份的在原位，甚少外出，所以平時見貓多過見狗。

究竟天有幾高

看到歐洲太空總署（European Space Agency）發布Euclid天文望遠鏡捕捉到的第一批太空照片，其中一張它拍下了2.4億光年外的英仙座星系團（Perseus galaxy cluster），一共涵蓋1000個星系，英仙座星系團的背景還有超過10萬個星系，這個星系團是已知宇宙最大的星系團之一，位在數十億光年外，因此亮度較微弱。

請客菜

看了幾集《請客必食18道菜》，見到主持介紹的菜，都是鮑魚，海參，龍蝦，花膠，仲要係精雕細琢的烹調方式，唔好問好唔好食先，單係埋單，都唔知駛唔駛當埋條底環先夠找數？

試問佢哋想請咩客呢？請皇帝乎？

讀過歷史的都知，香港真係請過皇帝客，是為宋帝昺。

當年宋室同元軍打到近爆機時，宋室南下來到香江駐紮，到埗時去到錦田圍村，村民知道皇室駕到，點敢怠慢，立即大家籌旗，人人扐晒屋企至好的食物出來侍奉皇帝。

宋末年間，香港是私鹽竇，仲因為此問題，同朝廷開火，最後朝廷要派軍隊來港鎮壓，再派兵駐守，先壓制到班鹽梟，所以那時香港雖然係所謂小小漁村，實質人人有錢，加上係漁村，估計當年呈上來給皇帝食的，手釣海鮮魚蝦蟹起碼幾擔，劏雞殺鴨宰豬更係例牌，加埋啲即摘時蔬，咁多樣餸邊夠碟上？唯有攞太叔公個洗腳盆嚟裝，那便成為名留後世——盆菜。