ULTRAMAN：崛起唔關吉田事

自從看到公布N記製作的《ULTRAMAN：崛起》時，望見那比庵野秀明災難式新．超人，更骨瘦如柴的超人，又一再嘆氣，跟住又見到那電影其中一份海報，望來望去，硬係覺得好眼熟，有陣似曾相見感覺，看看那超人，又係有呢份同樣疑問，點解咁似老翻？……猛然醒起，數年前國內拍了一齣超人（他們叫奧特曼）電影，但被指所買的版權不合法而禁映……

又關湯事

呢幾日行街時，常聽到：

我都想飲何太湯呀……

有冇何太湯飲呀？

有何太湯就介紹俾我飲呀……

最初以為有間何太湯店，原來又係之前東張那段東西，心諗仲未完咩？但又奇怪班馬蘭奴，不停提住的，只是——湯？

食物的味道

看了幾集電視台新煮餸比賽節目，由藝員跟一個專業大廚作為隊友，但……真係睇到搖搖頭。

藝員煮唔到專業水準，這是無可厚非，但都要有個譜，看那煙肉生蠔，一大堆煙肉冚上面，隔住個芒都知鹹到趴街，另一個燜魚碩，竟然晨早就加蔥？最要命是學人淋酒落煲面，酒同燜魚係絕配，會釣出魚鮮味，不過淋酒喺煲面，係為咗上枱時有酒餘香，是唔會滲入菜裏。

考牌回想曲

收到運輸署最後通牒，說再不續牌，之後如要補領的話，便要再考路試。

前兩年被墨七打荷包，唔見了手機及銀包及一些銀行咭及証件，之後都去逐一補領回，唯獨個電單車牌沒補領，因為都不打算再做鐵騎士。