早前看到一段有趣新聞報導，是NASA的阿提米絲2號（Artemis II）任務四名太空人，飛越月球背面，創下人類距地最遠紀錄，此行亦拍下月球背面高解析度照片，照片顯示展示月球背面地形多為高地、環形山（隕石坑）……
其實在2019年，我們中國的「嫦娥四號」，已登陸月球背面。
2024年「嫦娥六號」，更成功帶回人類史上第一批月球背面具科學價值的地質樣本，包括月球土壤和岩石，當時自由大國仲大大聲話要分一杯羮，直頭想過嚟搶，佢哋自己又話已上過去，唔係執咗一大堆返來麽？
故此，說影到月球背面的相，不明為何那樣興奮？
我們舉頭望明月，千百萬年來都是看同一面的月光，那是因為月球自轉一周，所花時間和繞地球公轉一圈時間相同。
近年常見一些朋友用手機影月光時，都會說：去download張月球表面高清照放在手機內，到時八月十五又好，超級月亮又好，拿出照片來，說是自己影到便成，反正都係同一個畫面。
未有月球背面真相時，最發達是那班自稱UFO專家，實牙實齒話月球背面有飛碟、外星基地、有乜有物，可以在不同媒體發表偉論，順便賺啲銀両……現在呢？
當時看那段新聞報導時，最令自己吃驚的，是報導員最後說，𤶸沙指目標在2033年前讓人類永久居住於月球。
聽完後，真係瞪大雙眼……
你哋相都影埋出嚟啦，月球上已經前後左右上中下都睇清睇楚。
上面係冇廣寒宮，冇玉兔，冇五百丈高的玉桂樹，亦冇嫦娥及吳剛。
更重要係冇田有山冇水有地，上去住，食泥呀？飲乜呢？東江水泵唔到咁遠喎……
話有山有地啫，但人上到去，係唔可以腳踏實地，莫講以上的冇，連搵啖氣吸都成問題。
再望清月球表面，係一個窿一個窿，即是不停受隕石撞擊，地球嘅地震都已經攞命，去月球住，仲要擔心埋俾隕石揼？
咪攪叔台啦。
但諗深一層，係咪佢哋個侵侵國皇想法呢？
遲啲唔係掉炸彈去搶人哋石油，而係走去人哋國家，捉晒班原住民，直接送晒去月球？勁過佢哋祖先搶印地安人國家做法……
沒有留言:
張貼留言