服未？

由開始再畫這《生活之間》漫畫時，都決定要有覺得唔錯的橋先會動筆，因為拿筆來畫，實在太容易，但有段滿意的橋，則極之難。

開始時，一年都可以畫到十多廿段，到近年變成月刊、季刊、半年刊、年刊……上年更是停刊。

或者都跟大部份曾是漫畫工作者，有相同心態，就是畫完都覺得冇人睇，不如不畫。

也實在的，以前在sina blog，都有不少過來看看的blog友，睇完間中都留下片言隻字，雖然數量不多，但總算知道還有讀者看……只是搬來這孤島後，真的感覺港漫的夕陽氣氛……

不過冇所謂啦，諗到好東西，便拿筆畫畫，等自己知道，個腦同隻手冇生鏽都好吖。