牛肉粥

行過樓下一間開了幾十年的粥舖，其門面頗殘舊，而附近有其他光猛粥店，故絕少幫襯這間；但近年吃開的粥店（街坊式及高檔式都有）都相繼結業，不用問，都是業主加租問題……

數月前行經這店，先驚覺她已存在了卅年以上，亦從未裝修過去吸引顧客，心想可能是自己舖吧，姑且去買些粥回去，再食（以前應是食過），咦，冇用味精喎，不是說笑，附近一些粥店曾食出是加味精……回想這店開了咁多年都冇執，如果冇客又點會做落去呢？唔錯先有捧場客的嘛。

見有點餓，便入去食碗牛肉粥，再整碟炸両。

粥來後，望住碗牛肉粥，不停的發出會心微笑，不是粥有問題，而是想起多年前在老家吃牛肉粥的插曲，當時都寫下一篇博文，於是打算再拿出來重溫。

碟炸両好正，是即叫即包的，油炸鬼不是隔夜，這店門口有鍋滾油，他們不停在炸油器，在吃時，見老闆娘邊切面條放落油鍋，另一男幫工用長筷子撩動那些油器，這情景是小時候街邊大牌檔常見，現在去粥店好像冇乜見過。

而一路食碗牛肉粥，一邊又想，中國人食粥花臣真係唔少，要數齊咁多種粥名，真係有排數，不過最多人選擇，我始終認為是公司粥——艇仔粥。

因為多料，以前一碗艇仔半碗係料，粥得半碗，真係杰撻撻的，可惜，現今的已是偷功減料，所以都不點這公司粥多年，常吃的是紅牛，豬紅加牛肉粥，數年前去一間粥店，坐低便叫豬紅牛肉粥，結果送上一碗豬紅粥及一碗牛肉粥……自始便只會叫紅牛，如果侍應唔明方再解釋……

點解牛肉粥啲牛肉生的！

DATE: 03/25/2010 05:02:16 PM

今天中午探完娘親後，在愛民邨的愛心粥檔食碗牛肉豬紅粥加碟炒麵，吃到一半時，一對年青男女撘枱（應是在附近上班），未幾她們要的粥來到，女的突然發出令人厭惡聲音，在指牛肉粥的牛肉點解是生的？

跟住不停的嘈過不停，男的說是這樣，女的仍然用高八度聲嘰嘰喳喳，一時說聞到生「豬肉」味，一時又話自己不吃生東西，所以壽司都不吃，嚷着要人家換過給她。

我望望她那碗牛肉粥，與我在吃都是一樣，雖然上枱時牛肉是半生的，但只要由牛肉在粥內浸一陣，便自然會熟透，這是常識。

牛肉是快熟及不能太熟吃的食物，所以打邊爐中，牛肉是必備，就是貪其快熟。

這位小姐可能一世都未打過邊爐及去粥檔吃粥！

本來人家家事是不應理，只是那位小姐坐在我前面，不停的嘈喧巴閉，男的講極她都不收口，於是我忍唔住便對她說：「香港嘅（我唔知佢係咪火星來的，所以要標榜香港）牛肉粥係咁食法噃！」

那位小姐見我出聲，便立時降低聲量，無奈的答句：「係咩？」

再望望男的，見他好似好尷尬！耷低頭不停吃粥，但女的還不肯罷休，跑入去粥檔內投訴牛肉是生的，一位阿姐用匙羹攪攪碗粥，向她說好快便熟，但她仍是不理，結果粥檔所有人都走了過去看看發生甚麼事？

最後一位阿姐要拿回去幫她再弄熟。

送粥回來時，阿姐說下次如果要食熟牛肉，就叫生滾粥。

係他們才會忍這位小姐，如果是我一定不做她生意，叫她識食才來吃，唔識食又大吵大叫，別的客不知，以為食物有問題。

（2024年後話，今天那裏的大排檔已一間不留，進駐了一些新店舖，昔日東菇亭已蕩然無存）

COMMENT:

AUTHOR: Ben

DATE: 04/19/2010 04:35:44 PM

嘩，你仲勞氣過我。

COMMENT:

AUTHOR: 雷娃

DATE: 04/19/2010 12:13:02 PM

跳廿碼的福佳...

COMMENT:

AUTHOR: Ben

DATE: 04/04/2010 04:30:50 AM

唔見過真的不會信。

COMMENT:

AUTHOR: 白開水

香港咩~人都有....哈~