蛇年自製揮春

見到街邊小販已開始賣年花及賀年裝飾品，立時望望日曆，原來下星期已是過年。

嘩，時間過得咁快？好似啱啱先食完月餅……

不經不覺自製揮春已循環了一round，這幾年本不想再製，用回以前的設計便算，只是拿出來看，又忍不住改左改右。

而十二生肖中，有兩個是生肖最難玩，第一首選是鼠，除了用上米奇外，用乜造型都令人情緒不安，第二便是蛇，真是蛇鼠一窩……

蛇本身造型是幾邪惡，如果把牠可愛化，便會變成虫，今年看街上的揮春，十成都是一條虫，而且如果想用蛇字來玩，真係冇句好嘢，所以留意到不少的商品，索性轉用其他卡通造型。

今番都是拿十二年前的，改動少少而已，係咁咦叫做賀新歲。

恭喜，恭喜。